前两天，一友人来电。和我聊起了近来非常热门的国内足坛俱乐部改名的话题。
友人：阿娄啊，听说上海上港队真额拿名字改脱啦？叫啥“上海海港队”啦？
我：是呀，新闻里讲伊拉俱乐部已经改好了，工商注册登记已经完成了。
友人：我就是勿明白呀，足协做啥啦？介许多俱乐部，原来额名字勿是蛮好听啊？一枪头侪要改脱？广州恒大么改成叫“广州队”，广州富力么改成叫“广州城”，河南建业么拨逼得来要改成叫“洛阳龙门”......啥体啦？吃了太饱啊？
我：哈哈哈，侬老兄倒是了解了交关清爽！可以啊！
友人：唉，所以呀，侬讲讲看，中国足球哪能弄得好？一歇么朝迭只方向，一歇么朝伊只方向，一歇么又是帽子满天飞，一歇么又想出来要改名字......侪是闭了眼睛拍脑子个生活，下头人覅昏过去啊？
我：唉，足协这趟要求大家改名字个想法呢是有眼急来，尤其是强制要求赶了新赛季之前快速完成，的确是低估了交关操作层面额难度。
友人：是额呀！我看现在北京国安额事体就僵牢了，名字勿改就只好去改股东结构。迭个勿是瞎弄吗？股份转让买卖、调整股东结构，多少复杂额事体，需要多少辰光能完成，足协之前就没想到过？
我：哈哈哈，只好讲中国足协平常需要操心额事体实在太多，实在是想勿过来了呀......
友人：想勿过来覅紧额呀，关键是覅瞎想八想呀......侬讲是吗？噢，今年要求改名字来，万一过脱两年又要改回来呢？迭额勿是就变成白相人啦？
我：哎哎哎，阿哥啊，闲话哪能好讲了介难听呢？人家中国足协好歹也是勒嗨动脑筋、想办法，希望把中国足球搞得好一点呀......
友人：喂喂，老娄啊，侬好好交好吗？侬哪能也开始帮足协讲闲话了啦？我一直记得侬讲过个闲话：中国足球最需要静下心来学习一下阿拉额隔壁邻居日本足协。
我：哈哈哈，改名字就是学习日本足协额做法呀......
友人：呸！我就晓得侬会得讲这句！覅侬只面孔......
两人一起大笑！