一.沪语二、三、四、五字经。
1.触心筋，揭疮疤，戳软肋。
例句：路朗乡，饿看到一位长者勒勒教训一个小青年，“侬看到伐，那班里交关同学学习成绩攒上去了，侬奈，只晓得白相、白相，格勿来事额，小青年听后讲，爸爸，饿觉得读书读得再好阿呒么啥额用场，”饿勿想再读了”，只听啪的一声响，小青年额面孔裳马上出现五只红指印，长者讲“侬必须好好交学，努力非常，否则毕不了业，呒么文凭，侬下趟饭攒会切勿上额”，小青年被吃生活了，想阿勿敢想，看到格副景象，饿觉得有埃触心筋额，小青年宁勿小了，呀（爸）娘说打就打，唉，打会打出成绩来，小宁勿想读书，侬再打阿是呒么用额。
2.勿搭界，没牵连，没关系。两毛五
例句：格事体跟侬勿搭嘎，勿要侬去操心额。
3.嗲溜溜，做作，做妩媚状。
例句:侬噶嗲溜溜、鲜格格做啥，有埃腻心额。
4.勿作兴，不应该。
例句：侬格能噶做，勿作兴额。
5.勿上台面，摆不上桌面。
例句：侬有埃勿上台面额。
6.邪气推板，非常差劲。
例句：伊格桩事体做了邪气推板，有埃不上路额。
7.谈山海经，拉呱聊天。
例句：小张啊，现在是上班额晨光，那放了手头额事体勿做，攒勒该淡山海经，格有点勿像闲话伐。
8.当中横里，中间。
例句：告饿讲，格当中横里是啥么事（什么东西）。
9.麦克，很多。
例句：“小吴，最近一直看勿到侬，阿是到芽头做着啥生意了，侬钞票一定是赚了麦克麦克了伐，小吴回说，哈哈，侬说笑了，饿脱嫁嘴巴（老婆）是到成都弃白相了一圈。
- 迓迓叫，不声不响。
例句：格嗒宁噶多，侬有啥要紧事体迓迓叫脱饿讲，否则会影响勿好额。
- 淌淌渧，汤或汁水滴了满地。
例句：有汤汁额东西，侬要寻只厚一埃额袋袋把进去，否则，一路上拿着淌淌渧过来，总归勿像样子额。
12.懊闷痛，痛到心碎。
例句：今早子上昼（上午），饿弃COSTCO超市购物，买了一大（duo)堆东西，回家后一一整理，看到其中有一箱菲律宾额香蕉，卖相老好额，饿就拆了箱子，拿出其中一根香蕉，剥了皮，只望（朝）嘴巴里送，咦，那能咬（ao）勿动，再拿一根剥开，阿是如此，唉，美国超市阿会买到勿好切额东西，嗯，我觉得有埃懊闷痛额。
13.现开销，马上来的…。
例句：侬勿买账得伐，葛（格）么阿拉就现开销、对开，侬看那能。
14.吃侬老酸，拿你没有办法或够受的，够尴尬的。
例句：饿看到侬是一帖药（服了你了），侬来赛额，是老居，告侬蹬了一道，饿会吃侬老酸，饿惹（sa）勿起侬，但饿躲得起侬，饿要离侬远一埃额。
15.嘲讥讥，有点嫉妒加酸溜溜的意思。
例句：侬勿要一碰两碰就讲闲话嘲讥讥，格让宁勿适意额。
16.翻毛腔，生气、发怒的意思。
例句：侬勿要一碰两碰就翻毛腔啊，格能噶很勿好，是宁要知足额。
17.至真，做人做事做到极致，至纯。
例句：侬做宁至真额，做事体阿是说干就干，立竿见影，呱啦松脆，我是呒么闲话了，佩服啊。
18.夹髎势白，白的过分，白的不正常。
例句：侬面孔哪能夹髎势白拉，会勿会生了啥额毛病啊，毫稍到医院去查一查，千万勿好大意啊。
19.白板对煞，指遇事双方不肯退让，僵持到底，其结果是对大家没有好处，到头来一场空。
例句：那（你们）勒勒分配发放奖金、要定发放系数额问题上，攒想多拿，大家攒勿想退让一埃，其结果是白板对煞，奖金大家攒勿要想拿了。
20.馋痨坯，指贪食物与色的人。
例句：哈哈，侬格只馋痨坯。
21.软脚蟹，把在家怕老婆、出门怕招事、别人欺负他也不敢还手的这种软弱男人叫软脚蟹。
例句：格种男宁就是软脚蟹，被宁家凶额宁随便捏捏额。
22.嫩头，资历浅的人。
例句：格小鬼（ju)头是嫩头，有埃搞勿清爽额。
23. 瘾君子，吸毒或吸烟上瘾的人。
例句：格宁是瘾君子，切勒几十年香烟了，除非有极强额意志力，否则勿要想戒(ga)烟。
24.黄鱼脑子，指不动脑筋，脑子不转的人。
例句：侬格宁真是黄鱼脑子，再教侬阿教勿会。
25.滴滴头，指长形物体的两头。
例句：格店额油条、尤其是伊额滴滴头邪气好切（非常好吃）。
26.有晨光，有时候。
例句：饿每隔两三天，一有晨光就会去一次许浦村额小河边，是拿着长杆渔网及一个小塑料桶，噢，还有一个品牌手机，这样既可以捞捞鱼虾、水草，小憩时还可以拍拍照片或视频什么的，发发*今条头日**，一举两得的事情，哈哈。
27.真生活，有正反两种释义，一指手艺的精湛。二是遇到一点麻烦事，一时无法解决，够你受的。
例句：格雕刻活是真生活，呒么壹额真本事，侬是切勿下来额。
28.死样怪气，有气无力，半死不活的样子。
例句：侬那能看上去有埃死样怪气额啦。
29.神知夜胡，稀里糊涂。
例句：侬最近有埃神知夜胡，搞勿清爽额，好醒醒了啊。
30.活脱势像，非常相像。
例句：“侬长了脱那（你）娘活脱势像，就像是一只模子里刻出来一样额。
二.沪语说唱：
1.头字篇
戆头戆脑小鬼头，
手里拿只勃落头，
肉里挑刺捉扳头，
热天生只热疖头，
斩来斩去是冲头，
挺斩勿走是寿头;
最噱头，
野人头，
骗脱一刀老人头，
留下来，
侪癞头，
奶末头，
有花头，
油条只吃滴滴头，
作事体，
勿要投，
当心敲着骷浪头，
最吃亏，
老实头，
人人当伊洋葱头。
2.老字篇
有种高调老三老四，
有种圆熟老吃老做，
有种意外老鬼失撇，
城府森森老甲鱼，
不可言说老鬼三，
家事裁判老娘舅，
资深宅女老姑娘，
半昵半嗔老棺材，
有种不怯叫老茄，
有种花牌叫老k，
有种瘾君子叫老枪，
有种小而弥坚叫老结，
有种失落的记忆叫老城厢。
三.童谣
1.啷啷啷，骑马到松江。
摇摇摇，摇到外婆桥。
外婆叫我好宝宝。
月亮亮，家家小囡出来白相相。
2.一箩麦，两箩麦，三箩开花拍大麦，劈劈拍，劈劈拍。
