如何改善坐着跑歪着跑,怎么样改善坐着跑的习惯

跑步嗰时之所以会坐低跑(Sitting Back)，讲到底都系“支撑“出现问题。之前讲咗Ankle Stiffness 系其中一个可能性，喺众多其他慨可能性中，我仲想讲吓PAT PAT 肌肉慨重要性。

大家睇过坊间无数慨跑步文章，都应该会发现PAT PAT 慨重要性被特级地强调，强到连“坐低跑“呢个问题，都可以被“有力慨PAT PAT “解决。因此，亦都引申咗好多练PAT PAT 慨training 出嚟。但唔知大家慨问题有冇药到病除呢？如果冇慨话，咁你要了解多少少真正慨PAT PAT 系点运作先！

PAT PAT 训练要啱方向

要知道点练样一旧运动需要慨肌肉，首先要知道旧肌肉喺“运动期间“点工作。PAT PAT 系喺Hip Joint 后面慨肌肉，负责伸直只脚，即是支撑。几时需要支撑？就系当提腿(Swing Phase) 完结，落地嗰一吓，PATPAT 就要9秒9用力顶着。

问题时间1：当只脚掂地嗰吓，你只脚到底系：

曲? 定系；
直?

答案：直

问题时间2：当直脚落地时，PAT PAT 作为Hip Joint 慨肌肉，渠最重要系：

维持支撑?
减少屈曲?
屈曲后伸直?

答案：1 ，其次系2。点解唔系3? 因为3 系过咗支撑之后先发生慨事。

即是如果我哋唔要坐低跑：

个PAT PAT 就要维持伸直，即是“等长收缩“ (Isometric contraction)
其次系“离心收缩“ (Eccentric contraction)
而且Hip Joint 要训练慨幅度系— 全直至微曲

所以当大家再见到啲“跑步必练PAT PAT 训练“嗰类慨动作，自己谂吓，究竟系啱跑步边part 用，同埋系咪帮紧“坐低跑“慨问题。