相传农历七月为「鬼月」，乃鬼门关大开的日子，无主孤魂都会从阴间到阳间接受人间的供养。而今日正正系七月十四鬼节，很多人普遍会于家中祭祖及烧街衣，所以有唔少禁忌及风俗大家都要注意，而且最好早点归家，否则好易同「老友记」撞到正！近日张栢芝妈妈戴莎莉在「鬼王」的灵异电影《魕异》中演出，更担正做女主角，原来佢除了对灵异事物有兴趣，亦有过唔少灵异经历！即刻睇睇！
据悉今次栢芝妈处女下海拍戏，系因为佢本人系潘绍聪忠实粉丝，对灵异相关事物特别有兴趣，仲参加过几次鬼王带队的灵异旅行团！今次在片中佢同样系一位妈妈，讲述佢女儿因遇人不淑，所以多次怀孕及坠胎，最终被婴灵缠身遇害。栢芝妈就话希望借电影警惕时下年青人，要带眼识人。
栢芝妈对神神怪怪有兴趣，虽然没有宗教信仰，但不时都会去泰国拜四面佛，仲遇过灵异事件！四、五年前栢芝妈同三位子女栢芝、碧芝及豪龙去曼谷，入住当地一家K字头的酒店，佢哋住地下嗰层，一开玻璃门就有私人泳池那种。
栢芝妈忆述当晚栢芝打电话话自己间房啲灯不停贬，但当佢同大仔去到后，啲灯贬得更厉害，吓到众人即刻抱埋Quintus(栢芝次子谢振南) 搬房。但搬房后先记起未攞Quintus啲奶樽，栢芝妈折返后，随时有一阵凉风迎面吹来，佢即时讲：「唔好搞细路仔呀，我过嚟攞番奶樽咋。你要搞，搞我，唔好搞细路仔呀。」
而嗰啲「朋友」似乎听得明，栢芝妈攞奶樽返房后，便一个人走到泳池边不停地喊，子女点叫佢都冇反应，足足喊咗一个几钟！栢芝妈第二日就Check Out离开，栢芝亦好心咁提醒新住客间房有嘢，叫佢哋小心。
而栢芝妈今次拍摄《魕异》同样有灵异经历！话说潘绍聪揾师傅喺和合石坟场搞咗场百鬼夜宴，准备咗十多围盘菜招呼一班灵界朋友。该日原本冇戏份的栢芝妈前去探班，未开始时众人已经听到坟后面有女人唱歌，之后当师傅摇铃「叮」一声通知班朋友开餐时，栢芝妈话嗰刻好晕好晕，晕到抖唔到气，要即时离开现场，之后仲要去师傅的佛坛「清身」。
有关亚洲灵异酒店，最近姊妹号【新假期】（微信号：WeekendWeeklyHK）有相关文章，可关注阅读。
更多精彩八卦内容，请关注微信公众号：东方Sunday
