讲起广东人起店名，除了“ 姓氏+记 ”嘅独特规律之外，仲有不少老世为了体现本地特色， 用粤语谐音起名 ，新奇之余，朗朗上口，但也可能产生反效果，令人啼笑皆非。
今日跟住我哋逛一逛广州的街头，大赏奇葩店名！
餐厅老板爱食字
食早餐
广州人早上离不开粥粉面饭,个个“ 埋位 ”，饮早茶。开食肆，肯定希望个个食客都“ 友食神” ，早茶四大天王、八大金刚样样齐，想 点 咩 都德 。
▲图源网络
▲图源网络
▲图源网络
再加上， 肠粉正 ，食咗唔会变正粉肠，简直 無得辉 。
▲图源网络
▲图源网络
加餐
食完早餐，不够饱，不如加一份牛杂。现捞牛杂“ 容意发 ”店，好似讲紧，食我哋铺头嘅牛杂，好易发达。食完之后，再赞一句“ 茂嘚顶 ”。
▲图源水印
▲图源水印
食晏
睇餸食饭 ，都系 米饭班主 话事，中午求其食一餐，符合广州人务实作风。咁就“ 米走鸡 ”，点两个豆腐火腩饭，同你嘅“ 百厌昇 ”来份男人的浪漫。
▲图源网络
▲图源网络
▲图源网络
▲图源网络
食糖水
食完正餐之后，少不了一碗正宗糖水， 华滋距 系番薯糖水，椰汁西米露，或者系红豆沙，双皮奶，都一样清凉解暑，滋味十足。
▲图源网络
饮下午茶
下午来杯咖啡醒醒神， 吞扑 最佳拍档，要杯“ 咩乜coffee ”，够晒“ 鸠鸠史 ”！
▲图源网络
▲图源网络
▲图源网络
飞发
落班如果你想剪个发，最好去揾 周润发 ，听讲距润发嘅秘方俗称“ 粥润发 ”，照做以后肯定有得 发维 。
▲图源网络
▲图源网络
▲图源网络
食晚饭
晚上，食韩国炸鸡，日本料理，牛肉火锅，酸菜鱼，定系粤式小炒？列举咁多，你究竟“ 港原味 ”，仲要讲到一旧旧，“ 渔无鳞刺 ”，食咁热气系唔系想生“ 菲兹 ”。
▲图源网络
▲图源网络
▲图源网络
唔系“ 泰紫椰 ”，就唔好“ 泰咀刁 ”，更加唔好“ Tai Enjoy(泰享受) ”，做人唔好太了能，以后先会食上 大茶饭 ，到你“ 揸fit ”
▲图源网络
▲图源网络
▲图源网络
▲图源网络
▲图源网络
吔宵夜
宵夜直落。“ 炸加姨 ”点几份干炒牛河，几份烧烤。今天行一日，食足一日，够晒 劲揪 ！食饱就好翻去训。
▲图源网络
▲图源网络
逛足一日，睇到唔少嘅铺名，简单几个字，就点出店名嘅 服务属性 ，实在 高章 ！
粗口做店名是有趣还冒犯？
以上的盏鬼店名，贴题，又食得一个好字。咁等阵讲到嘅店名，食字可能 食得尴尬 。
嗨/Hi
“嗨”字可以讲系起名尴尬的重灾区。想食花甲，有一家“ Hi味花甲 ”，想吃串烧就有“ 好嗨串 ”、“ 嗨之味 ”，想食炸鸡还有“ 嗨婆 ”，想喝果汁还有“ 嗨汁吧 ”、“ 嗨茶 ”，想打游戏，天河区就有一间“ 有家嗨店VR ”，可以讲系应有尽有……
▲图源网络
▲图源网络
▲图源网络
▲图源网络
▲图源网络
▲图源网络
点解嗨字备受青睐呢？ 放在普通话语境中，嗨字可以解释成一种问候语，用来打招呼，比如“嗨，你好”，类似英文的“Hi”，表示一种欢快得意嘅感情。也可以表示一种兴奋嘅情绪，类似于“high”。如此一来，餐馆用呢个词语，都系想客人食得开心。
但如果放在粤语中，就系另一个故事了。“嗨”隶属于广东粗口五大字之一，标准写法为“閪（xi）”，因为避讳，所以会写成“嗨”。
▲图源网络
所以海底捞生日歌，“ 跟所有的烦恼说拜拜，给所有的快乐说hihi”， 用 “傻閪閪 ”来庆生，引起不少老友疑问，唱呢只歌，究竟算唔算祝福？
七/柒
西华路有间茶餐厅叫“ 乱seven禁up ”，可能系想食客，唔好乱讲嘢，多打好评。唔单止，有家便利店起名叫“ 167便利店 ”，中晒伏，只能封他为起名天才。
▲图源网络
▲图源网络
在粤语中，7唔系数字咁简单，而是同样为广东粗口五大字之一“杘”字嘅借字，有时候起到强化语气作用，比如“ 好7好味 ”、“ 7就 ”。
▲图源网络
▲图源网络
卤味
如果想系广东开卤味店，叫“ 卤点 ”，食客可能以为入去就会被人“老点”。
▲图源网络
或者叫“ 唔止卤嘢 ”，确实够言简意赅，表明店里除咗卤肉卤菜，仲有潮汕菜。
▲图源水印
又或者叫 “李佬味卤味火锅” ，昵家开在顺德的火锅店，广东人睇咗都要望而却步。
▲图源水印
粤语中“卤味”与“老味”发音相同，而“老味”有两种含义，一种就指特制的酱汁来做的菜，第二种就系“老母”，用于熟人之间玩笑式粗口“ 你老味 ”。
“吉”同“饺”
广州有粤港风味“ 吉利食店 ”，也有“ 吉一野 ”、“ 吉阿婆 ”、“ 吉野家 ”，昵度嘅“吉”字同“拮”一个音，表示“戳，刺”。
▲图源网络
▲图源网络
▲图源网络
▲图源网络
同样情况有“ 饺粥一世 ” “ 饺阿婆 ”，“饺”字同音“搞”， 不少网友表示阿婆实惨，被人“吉”完又要被“饺”。
▲图源网络
▲图源网络
其他
除了这些常用字，仲有一部分令人百思不得其解的粤语铺名。香港淂记曾经推出一个套餐叫“ 忽必裂 ”，单纯用粤语来理解就是"八月十五一定会裂开”，真系够晒刺激，一个同辣字相关的字眼都没有用到，却让你感受到吃完上厕所的焦灼感。
▲图源网络
令人意想不到的地方仲有，“ 雕鲤 ”小酒馆，“ 烧乜春 ”烧烤店，“ 茂利 ”腊味杂货铺……有自己友就表示，见到店名都唔好意思行入去。
▲图源网络
▲图源网络
▲图源网络
重磅的仲有远洋日本Whole family，系内地就被翻译为“全家”，在马来西亚就被翻译成“ 冚家 ”。
▲图源水印
好似翻译得很到位，顺便问一句，“ 冚家 ” 会唔会有橙卖？
玩得好得啖笑，玩唔好就畀人闹……
对于“粗口”谐音店名，有部分网友就表示， 当成笑话就可以，毕竟唔系所有人都认得明粤语 。
比如深圳有一间叫“ 冲里老味 ”嘅铺头，主打湘菜。如果根据部分湖南地区发音，“冲”可以用“山”去解释，店名意思是“山里的老味道”。但放在粤语语境里，又系一种内涵行为了。
▲图源水印
亦都有部分人认为呢啲店名 为了博眼球而无底线，没礼貌当有趣 。
▲图源网络
比如在珠江新城附近有一家 “锋味·乜hi都啫·乜7都烧” ，一部分人觉得纯属玩笑，但也有一部分人怀疑其为了吸引眼球而乱取名。
最后
一家店为何起咁样嘅名，最终都要问回店家。因为地域文化嘅差异，对某些字眼嘅理解都会不同。但在广州开店， 都系有必要了解一下当地文化 。毕竟，“进屋先叫人，进庙先拜神”，店开到人家屋企门口了，就要跟足规矩。
各位自己友，
你点睇粤语食字铺名？
欢迎在评论区留言！