沪语头字篇续四
1.轻骨头，买弄风骚。
例句：我花花侬痒兮兮好伐，去去去，侬是小伙子，唔（不）是小姑娘，唔要嘎轻骨头好伐，正经一埃。
2.三吓头：色厉内荏。
例句：有啥事体，好好较讲，唔要拿出格（这）三吓头额态度对我，我唔切侬格一套。
3.搭讪头：故意搭讪。
例句：监察一中队有晨光呒（没有）任务，有些银会觉得呒劲，又呒爱好，乃遭子坐唔牢了，随后在会勒勒不知不觉中，跑到其他中队寻讲得上闲话额男队友嘎三胡，或者是搭讪头办公室漂亮额文秘，献献殷勤，讲埃讨好银家额闲话，泡上额半天，以此打发晨光，嘿，五点钟了，下班喽，回家。
4.出风头：显耀自己。
例句：小李啊，一个银要认认真真做事体，高调做事，低调为人，不要以为自家有埃本事就觉得了不起，唔要老是想出风头，格唔可取，须知，山外有三，天外有天，比侬有本事的银多的是，谦虚一埃为好。
5.三斧头：来势凶凶
例句：唔要勒勒我面前耍三斧头额样子，我唔切格一套，有啥事体好商好量，我才会接受额。
6.有劲头：干劲十足
例句：今年上海开进博会的时候，区里安排多额名额拔阿拉单位，是去进博会相关进口做导迎服务，大家听说后是踊跃报名，因为去伊面搭，阿算正常工作，有午餐吃，回来还有一埃奖励，之后让去额银，尤其是第一次去额银，到了伊面搭又增长了见识，大家才表现的老有劲头。
7.没劲头：毫无兴趣。
例句：天天出去测噪声，唔是测交通噪声、工地建筑施工噪声，商家环保设施噪声，就是测居民投诉商家厨房油烟机噪声，地铁行驶产生的噪声及船舶行驶噪声，唉，单调死了，实在是没劲头。
8.有盼头：前途似锦
例句：周科去市局升了副处，伊现在年纪噶轻，有窜头了（有多提升的机会了），有盼头啊。
9.是嫩头：初出茅庐的人
例句：格（这）小伙子是额嫩头，啥额阿唔懂，却勒勒瞎插嘴，笑话百出，让人可笑额。
10.带搭头：硬性搭配。
例句：老遭子额晨光，买香烟是凭票供应，呒烟票不让买烟，每户人家发你定量的烟票，而有烟票阿是带搭头的卖拔侬额，如买两包牡丹烟，搭你三包大前门香烟，那是硬性搭配，如此这般…。
11.叫碰头：邀约相遇
例句：关大姐脱（与）我讲，3月25号是我与那（你）嬢嬢（姑妈）叫碰头额晨光。
12.是收头：收尾生活
例句：格几天，已经是窝里厢装修事体，到了是收头额日脚，我作为屋主要去最后把把关的，看看会否有啥欠缺，好补补漏，不想有后遗症额。
13.叫风头：情势紧张
例句：现在是疫情叫风头额晨光，千万唔可大意，进出小区必须戴好口罩，并唔与银聚会、接触，杜绝疫情的蔓延。
14.是耿头：脾气倔犟
例句：小张格额银是额耿头，脾气糗（坏）了一塌糊涂，寻伊有啥额事体，要好好交细声细气脱伊谈额，不能以命令式语气脱伊讲，否则肯定是切瘪（没有戏）。
15.放龙头：话不兑现。
例句：我额（的）一个同学许某，多年前在会计专科学校求学，毕业后，通过父亲的关系，进了上海市市政工程管理局的养路费收费处上班，格额工作勿错伐，是很勿错啊，待遇是好得来，呒闲话讲了，听我道来，一是每到中朗厢同事们呒宁勒勒单位里切饭额，赞是到附近的餐馆去就餐，二是歇唔歇就会发钞票、发末事，有发几袋高品质的大米，有发几箱进口时令水果，有发半只猪猡的…，之后伊脱伊拉爷作天作地额要去澳洲留学，前前后后花了四万块伐，格额晨光的四万块，吾止现在的四十万啊，爷娘额积蓄赞拔伊用光了，伊额爷阿因此活活拔伊气死，而伊终于圆了去澳洲留学额梦，读额是语言学校，几年后语言学校毕业，混了隑悉尼上班，据说是银行伐，具体做啥我阿呒去问伊，之后伊应该讲又做了好几家银家，再后回大陆好几次，听伊额台湾朋友讲小许好赌，赌掉几栋房子，看来我额各位同学赚过唔少钞票，只不过是拔伊赌光了，顺便说一下，他的母亲待人很好，我跟他妈妈也很熟，也叫妈妈的，以后我去看他的母亲时，证实以上的说法，而现在伊一直勒勒大陆混，连澳洲阿唔回去了，至于原因我是唔好意思问伊额，阿拉现在难板（难得）碰头，而要碰头或微信上联系，主题只有一个，大家先是寒暄，谈东谈西，最后总归是三个字“调头忖”，一千、五百，少的时候是二百，而不管是借多少，当我拔伊额晨光，伊总是讲那么几句话，我都背得出了，那就是三天后换侬、一星期后还你、下个月发工资额晨光换侬，而之后的结果就是放龙头，打个比，如果问我借一千，以后到期唔还，等我问起伊借钱的事情，他总是先还一埃，再追问，再还你一埃，弄得侬肚肠根发痒，唉，呒闲话了，而最后伊总要留个尾巴二百，唔还侬了，等侬问伊时，伊会话锋一转讲，阿慧，我再问侬调头忖一千，一个礼拜后，一并还侬一千二百，如是这样，循环往复，总留个尾巴，我是心知肚明，但看在几十年老同学的份上不脱伊计较，再讲数字阿唔大，我阿唔问伊讨要了，故意去忘记脱了，因为我晓得伊格副腔调是改唔脱了，晨光一长，当伊又开口要问我调头忖时，我会脱伊讲一番道理，我讲，“现在勒勒上海已经很少有借钞票格种举动了”，唔到万一是唔会向宁提出借钞票额，哪怕是再要好的亲朋之间，阿是如此，因为大家赞明白一个道理，格就是救急唔救穷，格就是契约精神，大家赞自觉遵守，“而一旦侬问银家借了钞票，侬是一定要还的，唔还的话，侬以后有需要再借时，呒银（没有人）再会借铜钿拔侬额”，因为侬没有了信誉，侬勒勒银家眼里就是分文不值，伊听后讲，我晓得了，但之后还是唔遵守，格么我就对唔起伊了，到现在有时候伊还是会提出问我借钞票额事体，而当伊再向我提起要借一千元时，我会讲，我阿呒啥钞票，赞上交了，侬阿再唔要跟我提借钞票额事体，因为侬阿还唔出，我们是几十年的交情，我阿喇唔开面皮问侬讨，有额话，我情愿送埃钞票拔侬，之后我会微信转拔伊二百元，他说谢谢侬，我说阿拉是老同学，唔用客气，过段晨光，伊会还我二百元，我是唔收，之后会自动退回给他，借钞票额事体，到此结束。
新里洋房，蛮有风情，小资生活，老有米道，迷醉侬我，呒更好了，再唔想走，直到老去。
