每年苹果上市，阿咩都好羡慕深圳海关，因为佢哋绝对系中国大陆首批“体验”用户。
因为佢哋要一部部拆开验机，确认系唔系苹果手机。
9月16日、17日，皇岗口岸及福田口岸海关，共查获藏带iPhone7手机案件60余宗，查获iPhone7、iPhone7 plus400余台，案值初估超过300万元人民币。
400几部肾7啊！就咁就畀海关扣押晒，我谂起都觉得肾有啲痛！
呢位阿叔身体绑满手机，老老实实阿叔你点解有咁多钱买“肾七”？？
据说，喺16日18:30-19:00短短半个钟内，连续查获7宗人身绑藏iPhone7手机入境案件，共计查获iPhone7手机190台。大部分都系海关旅客通关系统里面有"不良记录"嘅水客。
价值媲美莫文蔚嘅“肾腿”。
水客当事人交代，佢哋只收取"带工费"，而20几台手机入境"带工费"只有两三百蚊人民币......大叔，好似好等钱使咁喔
好多人会问，缴获嘅咁多iPhone7会点处置？
答案系依法公开拍卖。iPhone7呢种国家冇特殊规定嘅罚没财物，一般以公开拍卖嘅方式进行处理。
市民可以通过海关门户网站、当地主要报纸等查询公开拍卖嘅时间、地址、货物信息等。符合条件嘅单位同个人均可参加。
点解海关要扣押水客嘅苹果手机？
iPhone7属于不予免税嘅20种商品范围，喺自用合理范围之内，要喺过海关之前主动向海关申报，按规定交税办理相关手续就可以啦。
一个人最多可以带几多部苹果手机入境？
按照规定，进出境旅客行李物品应以“自用合理数量”为原则，意思就系个人携带超过1台以上，就要主动向海关申报。
一部苹果手机要交几多税？
iPhone7属于“触屏式手持移动电话机”，税率为1 5%。无论32G定128G，都按照发票或收据价格交纳税费。
例如，一部iPhone7（128GB）：香港官网价格7288元港币，折合人民币完税价格约6300元，税率15%，应缴纳税款945元。
我一买就直接喺香港开始用，咁都算？
按照规定，iPhone7进境系需要缴税噶。所以都系老老实实主动申报啦。
如果查到系唔系会扣押我部手机？
对未主动申报的旅客，以及小幅超量携带嘅旅客，海关将视情节依法作出暂不予放行、补缴税款等处置。
邮寄iPhone7入境最多几台？
邮寄OK嘅，个人邮递入境嘅邮包系有规定限值噶，港、澳、台地区每次限值为800元人民币，超过规定限值需要按照货物报关或者退运。由于手机属于单件不可分割物品，所以只能邮递1台。
讲真，去香港买手机过关仲要交税，
咁仲不如喺国行买，
又平又方便。
讲起嚟，阿咩都就快可以用“肾7”啦！
因为我阿妈话要换“肾7”，
咁佢依家部“肾6S”就会畀我老窦，
咁我老窦部“肾6”就会畀我啦！
出年我就应该可以换“肾7”啦！