撑表哥真系好羡慕
住系育才街的花都人
可以从街头食到街尾，唸起都流晒口水
想知道育才街有咩好食？
等撑表哥带大家去育才街吃吃吃！
1、黄师傅
唔少花都人都食住黄师傅嘅蛋挞大
14年过去了，黄师傅都一直
秉持着自己的宗旨--用心
“善心做人，良心做饼”
所以一直都有好多街坊力撑黄师傅
黄师傅系撑表哥食过
最好食的蛋挞，没有之一
蛋挞馅香滑，软绵绵好似布丁咁
味道唔会太甜
蛋挞皮系脆脆的千层酥
一吃就会爱上它
撑表哥每次经过都会好自然入去黄师傅
买翻只蛋挞拿住边行边食
2、寻味园
黄师傅斜对面就系寻味园
讲到买零食，寻味园简直系学生哥至爱
好多学生细细个
就成日来寻味园度买野食
铺面细细间，但系品种繁多
撑表哥极力推介酸芒同脆梅
仲有每次必买的可乐虫虫软糖
3、周记铁板烧
寻味园再往前走
斜对面就会见到有个窗口逼满晒人
就系大家熟悉的周记铁板烧
撑表哥最中意食鸡翅、鸡肾、椰菜
鸡翅炸到外焦内嫩，鸡肾爽口
椰菜炸过之后加上酱汁，口感清新
所以每次都要点哩几样
重温高中时期的感觉
4、铁板烧
就系周记铁板烧隔离，仲有一间铁板烧
平时两间都会坐满晒人
哩间铁板烧已经有廿几年历史
小小噶店面蕴含着两代人的回忆
其实撑表哥觉得两间口味差唔多
但系比较中意周记铁板烧
觉得周记D酱汁味道更胜一筹
5、炳记布拉肠
铁板烧对面就系
花都人都好熟悉的炳记布拉肠
而家炳记布拉肠唔单止装修靓咗
仲引入好多菜式
除咗有肠粉，仲有菠萝包、奶茶，中餐等
已经变成一间茶餐厅
好多街坊都话炳记出品已经大不如从前了
价格变贵咗，菜品味道变得一般
多年的老字号变咗觉得好可惜
6、老字号婆婆牛杂
炳记布拉肠隔离街
有一间老字号的糖水店
系实验学子和二小学子读书时期的回忆
二小糖水同牛杂系合在一齐的
撑表哥觉得哩度的椰汁粟米羹比牛杂出色
所以每次都系叫碗糖水坐系度慢慢食
7、实验中学牛杂档
有时候唔想食饭
撑表哥就会同朋友来到哩度
叫份姜葱捞面、牛杂、娃娃菜、各种丸子
偶尔食一餐牛杂同面，都几开心噶
8、钵仔糕、手握寿司
经常系放学时间段
见到一堆学生哥围住哩两部小车
有卖钵仔糕等小食
隔离小车仲有现整现卖的手握寿司
9、洁明糖水
牛杂店斜对面就系洁明糖水了
唔好睇小哩间糖水铺
每日平均卖出1000碗糖水
系繁华的路段，价格保持住3-5蚊
哩个性价比真系令人感动
店里面品种多样
除咗糖水仲有咖喱鱼蛋、卤味等
10、阿花糖水
讲到糖水店点少得花姐糖水？
全花都呼声最高的糖水店，拥有超高人气
话系花都网红糖水档一点都不夸张
花姐糖水出品的特征：
便宜，大碗，足料，无添加
个个饮过都话好
11、娟姨牛杂
育才街咁多间牛杂店
撑表哥都系最心水娟姨牛杂
哩煲牛杂系娟姨从朝到晚精心炮制的成品
牛腩、牛肚、牛蒡、牛板筋
都系牛杂的精华所在
一大早买材料，加几个钟的熬制汤底
先会有咁入味弹牙的牛杂出来~
娟姨话牛肚系招牌~最多人点
一串牛肚竟然有8件，牛杂用料非常足
牛肚唔单止入味，嫩滑爽口，仲好有嚼头
而且最紧要嘅系唔痴牙
淋上娟姨秘制的辣椒酱，超正!
12、燕姐臭屁醋
育才街附近仲隐藏住一间
花都特色臭皮醋
臭屁醋远远闻起来有酸馊的味道，饮一啖
酸咸香辣的味道在味蕾中回转
不仅有一种令人难忘的独特味道
更有益于人的身体健康
长期饮用可以延年益寿
猪脚、老姜、醋、头菜
都系寻常的食材
但系经过花都人的智慧
酿成咗酸甜可口的臭屁醋
育才街多野食到撑表哥唔愿走
搵日一定要约埋三五知己，去到育才街
买个黄师傅蛋挞，整串炸野，饮碗糖水先得
真系唸下都觉得幸福~
互动留言
你最中意育才街边间小食店？
右下方留言话俾撑表哥知啦~