最近广州城区嘅空气特别差，搞到蒲姐呼吸道都有D顶唔顺朋友建议我去黄埔古港行下，顺便放松下仲有最正嘅係俾我仲搵到间 专注天然农家菜！口碑高！人气旺！ 係黄埔古港风雨无阻开咗好多年嘅老字号！▼
正记园林美食， 日日都有好多街坊过黎捧场！
就连当红广东主持人都过黎排队搵食！仲上过“行运广州"、“走出地铁”好几个电视节目！
广州电视台著名主持人（左：安神，右：珍珠）与“正记园林美食”老板合影正记园林美食，临近鱼塘，成间店嘅装修接地气，木质桌椅，加上周边嘅自然风光，农家园林feel更加浓烈啦~
姑且唔提“出淤泥而不染，濯清涟而不妖”嘅荷花，亦唔提古朴典雅、美轮美奂嘅小桥流水，单单就係“正记”如此独特嘅田园风光，已经深深吸引小编眼球。
十足农家园林风格！哩个秋冬大家围埋一齐叹农家菜就最窝味啦！一边食嘢，一边叹风景，一边玩猫人生快意莫过如此！
正嘢上台！！！
正记特供美食
-
招牌肉类系列
气温逐日下降，蒲姐都开始觉得冻冻地先黎几味正记嘅招牌炭烧系列热下身先哩个镇店之宝，嚟亲正记都一定要点嘅！
炭烧走地鸡
正记嘅炭烧走地鸡，肉质鲜美紧实鸡肉嘅香味在咀嚼过程中慢慢渗透出嚟俾着平时绝对食唔到咁好味嘅鸡！
做烧鸡嘅师傅将花椒、蒜蓉、沙姜、洋葱等腌料塞到鸡肚入面，仲要腌足一日入晒味，先至可以摆落炭炉入面烧，新鲜滚热辣出炉，仲要喺限量供应，唔喺你嚟到想食就有，呢D讲求手快有手慢冇！
嚟正记必点“炭烧走地鸡”！基本每围台都会点，镇店之宝！正到笑唔埋嘴！
食烧鸡，肯定就喺自己动手丰衣足食啦！整鸡上，体验“手撕鸡”嘅感觉，食得更滋味！不过一般都会帮客人撕完即刻上台，老细得闲都会帮D客撕鸡！好nice！记得趁热食！
烧鸡皮酥脆，肉质嫩滑，芳香四溢，真喺正到冇朋友！好味到根本停不下来~~~
炭烧排骨
正记嘅炭烧排骨，烧出黎嘅色泽均匀，一啖咬落去，肉质酥软！再加埋D酱汁，真喺无法拒绝嘅诱惑！外微焦内里嫩，口感一级棒。浓浓嘅肉味同埋脂味同时係口腔中迸发，久久不散，奇妙极了！
香芋正鹅
用六七斤重的鹅同香芋一齐蒸！每啖鹅肉都渗透住香芋嘅香甜，香芋又夹带住鹅肉嘅肉香，再加上哩个时候嘅香芋特别粉特别糯非常入味，真可谓相得益彰！
田螺鸡煲
用嘅都喺放养走地鸡，同田螺、甜笋、生姜、紫苏等材料一齐焗熟。田螺肉咬起身爽口又弹牙，走地鸡又鲜又嫩滑，两种鲜甜碰撞埋一齐，真喺令人回味无穷啊！
-
河鲜系列
正记嘅河鲜出品同样好受欢迎！而且11月嘅河鲜依旧肥美，嚟正记，包正！
科普： 虾蛎就係我哋细细个嘅时候去海边捡嘅细蟹仔，肉虽然唔多，但係比蟹肉都要鲜！唔好以为呢D虾蛎好容易就买到，都係季节货来噶，有钱都唔一定买得到。用虾蛎整出来嘅美食，够晒鲜甜！
招牌虾蛎粥
虾蛎虽然细细地，但喺只只都有膏，重点喺D膏都唔少！用新鲜虾蛎煲出黎嘅粥，味道鲜甜顶呱呱啊。
虾蛎鲜甜渗入晒D粥入面，好和味！
椒盐虾蛎
虾蛎加埋花椒粒同蒜头粒一齐爆炒入味香气四溢，又香又辣！送酒一流，够晒惹味！
虾蛎焖冬瓜
虾蛎俾正记玩得出神入化，点整点好味！虽然生得细细地，但喺比蟹肉都要鲜！
虾蛎加埋冬瓜一齐焖入味，入味的冬瓜同埋鲜香的蟹膏，香味十足，够晒惹味！每只虾蛎都係满满嘅虾膏~~~
虾蛎膏炒饭
用虾蛎嘅膏黎炒饭，粒粒金黄，粒粒喷香！要用几多虾蛎膏先可以炒到咁嘅颜色，入口果阵浓郁嘅香味，粘糯嘅口感，大大嘅满足！
虾蛎膏蒸蛋
用虾蛎膏蒸蛋？谂下都觉得好奢侈啊（觉得鸡蛋太幸福喇）！一啖摆落口，虾蛎膏嘅鲜甜喺嘴入面慢慢散开，口感好丰富，浓郁鲜甜，老细真喺识得食啊！
蒜蓉蒸黄沙大蚬
每个大蚬入面都铺满晒D蒜蓉、姜粒、香菜碎、辣椒丝等。蒸嘅时候，蚬肉吸收咗浓郁嘅蒜蓉味，鲜味得到提升，真喺原汁原味！一啖咬落，蚬肉D汁都爆晒出黎，好顶瘾好开胃！
究竟有几惹味？食过你就知
炒田螺
新鲜采购的田螺，静养去泥，下锅前，老板还要加多一道工序，耗时1小时的亲手秘制煮螺，为的是充分释放田螺的味道，油锅热后加入姜蒜，紫苏，花椒，八角。
酥炸虾丸
虾丸喺每日新鲜手打，粒粒纯虾肉，唔沟其他D嘢（例如：面粉）。爽口弹牙，拍得住星爷嘅濑尿牛丸喔，基本每台都会点一碟！
虽然喺炸嘅，但一啖咬落去，入边嘅鱼肉好弹牙！外皮炸到金黄酥脆又有颜值。食嘅时候记得搭配酸甜酱，三个字，无得弹！
酥炸鱼青丸
除咗炸虾丸，仲有炸鱼青丸可以选择！同样都喺每日新鲜手打，粒粒纯鱼肉。出品有保证！
虽然喺炸嘅，但一啖咬落去，入边嘅鱼肉好弹牙！外皮炸到金黄酥脆又有颜值。食嘅时候记得搭配酸甜酱，好香口！
白灼河虾
科普：河虾广泛分布于我国江河、湖泊、水库和池塘中的河虾，是优质的淡水虾类。淡水虾性温味甘、微温，入肝、肾经；虾肉有补肾壮阳，通乳抗毒、养血固精、化瘀解毒、益气滋阳、通络止痛、开胃化痰等功效。够胆白灼就证明D河虾够晒新鲜啦，keep住咗河虾嘅鲜、甜、嫩！入口嘅果种白灼独有嘅口感真喺冇得弹啊！正！原汁原味之外，仲可以减少血液中胆固醇含量，防止动脉硬化，对身体大有益处。
招牌田炆鱼
科普：田炆鱼身长不满二寸，春夏间长于水田和沟堑之中。别称叫“山坑鱼”，顾名思义就是那些游弋在山涧溪流里的底栖鱼类。因取自山高林茂、溪水潺潺的山野，没有任何污染，所以溪流所产之“山坑鱼”，体形虽小却异常的鲜美，几乎没有腥味，入口清甜。田炆鱼用油稍炸过之后，再落蒜蓉、姜等一齐炒，骨细幼嫩，简单咀嚼下就可以直接吞落肚，记得趁热吃，又酥又香又可口，口感真喺一流！
-
人气系列
食完招牌菜，可以点呢几味，都好受街坊欢迎。
黄埔蛋
黎黄埔古港唔食返件黄埔蛋点可以算黎过！上台嘅时候，D蛋液仲滑溜溜！就好似BB仔嘅皮肤咁嫩滑，冇得弹啊！
厚薄均匀，层次分明，十分嫩口！
禾虫煎蛋
沙蚕俗称“禾虫”，是环节动物门沙蚕科的一种，通常栖息于沿海或河口的浅滩上，国内主要见于浙江、广东、福建三省。禾虫可蒸可炖，可煎可炸，或焦香可口，或清甜香滑，係一种味道鲜美嘅食材，食过禾虫嘅人都纷纷对其鲜美一试难忘，更有甚者到达痴迷地步。宜家市面上嘅禾虫差唔多要200蚊/斤，真係矜贵啊！城市人想食禾虫，去普通酒楼都冇得食。而正记呢度都唔係成日有噶，每一日都係限量供应，而且係限定季节先有。禾虫有丰富嘅蛋白质同埋维生素，酒楼都好少食得到了。每日限量供应，黎早有黎迟想食都冇。禾虫原汁原味嘅鲜甜搭配蛋嘅嫩滑清香，十分可口～
椒盐蚕虫
蚕虫嘅营养价值，唔洗讲出黎大家都知道喇！富含丰富蛋白质，补啊！入口酥脆，野味又入味！
吊烧禾雀
平时鹌鹑，乳鸽就食得多了，禾雀，少见，禾雀经过一番工序腌制、风干、刷脆皮、再风干先可以摆落吊烧炉入面慢慢烤。再落D姜粒、葱碎、辣椒丝等一齐爆炒！卜卜脆得黎又有少少香辣，食起黎满嘴流香，真喺好过瘾！重点喺基本唔需要吐骨！真喺爱你爱到连骨头都唔放过啊！
-
素菜系列
食咗咁多肉，喺时候整翻几味青菜，清理下肠胃啦。黎食农家菜，蔬菜都喺天然种植唔打农药嘅，同我地平时食嘅唔一样，好嫩口～
凉拌支竹
支竹可以防老年痴呆症，好正嘅一种绿色蔬菜。加D辣椒丝、陈醋、香菜等凉拌食，入口嫩嫩地、辣辣地又比较清爽，好开胃～
姜葱炒鸡 红
鸡红喺补血佳品之一，加埋姜、葱一齐炒， 食落完全冇腥味！ 入口嫩滑、口感细腻、鲜香味美。
凉拌番薯叶
食咁多肉，当然要点番个青菜，清理下肠胃啦。加D辣椒丝、陈醋、 和番薯叶一齐凉拌，入口嫩嫩地、辣辣地又比较清爽，非常开胃！
水瓜香芋煮蚬肉
粉粉绵绵嘅香芋，加上清甜嘅水瓜一齐煮，味道好正！再加上蚬肉，令呢个清润嘅汤水之中增加一道鲜味。
-
汤水系列
食咗咁多，喺时候黎返碗靓靓汤啦都话广东人喺汤水姑婆，饮多几碗润下～
野生塘葛菜煲鲗鱼
塘葛菜同野生鲗鱼一齐用瓦锅特别熬制而成！味香汤鲜，养阴清热，健脾利水，清肝明目一级棒！啱晒D平时做嘢忙到食饭都冇规律，又熬夜唔够训嘅人啦，真喺要饮多两啖喇！
食完都想摊住唔走，叹多阵大自然田园风光，都喺一个唔错嘅选择！咁多年来，店家始终坚持最实惠的价格！坚持新鲜、正宗嘅天然农家菜。
正记园林美食
店铺地址：广州市海珠区新港东路石基村（黄埔古港）杨桃园5号（鱼塘边）