初学粤语嘅老友记，甚至有啲老广都可能会问：
系、係、喺有咩区别啊？
今日，就同大家分析一下 系係喺繫
首先睇一句话↓ “个通讯系统係喺边度失去咗联繋噶？”
虽然“系係喺繫”读音都为"hai", 不过都有区别 上面呢句话多多少少都体现咗佢哋嘅唔同
大家开始有啲feel未？
下面，我哋逐个睇
系：粤拼hai6， 普通话xi4、ji4。 字义：有连属关系的、高等学校中按学科所分之教学单位等等。而一般而言，系统、世系、中文系等词只可用“系”字。等于普通话嘅“系”。 例子：最近学校中文系嘅系统要升级啦。（最近学校中文系的系统要升级了）
係：粤拼hai6， 普通话xi4。 约等于普通话嘅 “是”；古文及民国时期的公文亦偶用此字。 例子：确係实情（的确是实情）。
喺：粤拼hai2， 普通话xi2。 广州方言字，约等于普通话嘅“在、所处方位”。 例：有条檐蛇喺墙角嗰处揾紧蚊食。（有条壁虎正在墙脚边儿那里找蚊子吃。）
繫：粤拼hai6， 普通话xi4、ji4。 “系”嘅繁体字； 另有联缀、连接嘅意思：联繫；结，扣 例子：把鞋带繫上。（把鞋带系上）
大家依家都应该清楚 “系係喺繫” 之间嘅区别同用法啦。记得学以致用，以后米再用错啦！