浪君子昨日去饮早茶，听到阿妈朋友话体育馆隔离有间酒楼好抵食，事不宜迟，马上捎上两位美女阿姨一起去呢间"好巴食-德顺轩(卫国路店)" 试试
好巴食-德顺轩
一去到见到好多阿叔阿姨行上楼霸位，浪君子马上行快两步霸翻个靓位，德顺轩总体环境比较嘈杂，不过呢度都是做街坊生意，对环境唔可以太高要求啦，同老字号"天海"一样，中午都是五少"烧酒佬"噶据点，所以如果对环境要求比较高噶朋友就可以选择夜晚过黎，目前大厅是特价菜任点，房间限点3个
浪君子一行三人食量比较小，下单三个菜就算啦，毕竟做人要有衣食，五好浪费，
首先上菜是个白切莲藕拼盘，28元，身为莲藕狂魔噶浪君子肯定要试试，莲藕做得几爽口，作为头盘都几开胃
白切莲藕拼盘
第二个菜是呢个脆皮童子鸭，35元，外皮松脆，内里肉嫩，师傅火候掌握得十分唔错啊
脆皮童子鸭
最后一个酸菜鱼，38元，哇~~一上台，尺寸吓亲浪君子，足足整条鱼，四个人都够食，而且鱼片好嫩滑，有水准
酸菜鱼
如果是特价菜无岩食噶朋友，可以去美团买个代金券，不过注意要问清楚用法，因为听到隔离阿姨地话用左美团卷计起上黎仲贵左，另外呢度豆豉鸭同沙姜猪手都唔错，仲有盘菜食添，去完祖庙逛完噶朋友都可以过黎呢边试试啊
地址:禅城区卫国路71号七天酒店二楼(佛山旧体育馆旁)
附近公交站：体育馆，祖庙路