鸡公仔，尾弯弯，做人新妇甚艰难。早早起身都话晏，眼泪唔干入下间。下间有个冬瓜仔，问过安人煮定蒸。安人话煮，老爷又话蒸，蒸蒸煮煮唔钟意。大喳嚹盐佢话淡，手甲挑盐又话咸。三朝打烂三条夹木棍，重话：咁好花裙畀妳跪到烂，咁好石头畀妳跪到崩。横又难，直又难，不如舍命落阴间。人话阴间条路好，我话阴间条路好艰难。
老广东
落雨大： 落雨大，水浸街，阿哥担柴上街卖，阿嫂出街着花鞋，花鞋花袜花腰带，珍珠蝴蝶两边排。
卖懒：卖懒，卖懒，卖到年卅晚，人懒我唔懒。
赖尿虾：赖尿虾，炒冬瓜，炒吾熟赖阿妈。
暧姑乖，嫁后街，后街有鲜鱼鲜肉卖，又有鲜花戴，戴吾晒，摆落床头卑老鼠拉，拉拉拉，拉去大新街，大新街又有个扯皮鞋，扯下开，又扯下埋。
凼凼转，菊花圆，炒米饼，糯米团。亚妈叫我睇龙船，我唔睇，睇鸡仔，鸡仔大，拎去卖。卖得几多钱？卖得三百六十五个仙，得来买膏又买盐。
月光光： 月光光，照地堂；年三晚，吃宾榔，槟榔香，摘紫姜，紫姜辣，买茶辣，茶辣苦，买猪股，猪股肥，买牛皮，牛皮厚，买莲藕，莲藕长，买农场，农场好。。。。大家好！！！！！
月光光，照地堂，虾崽你乖乖睡落床，天朝阿妈要捕鱼虾罗，阿爷看牛要上山坡，哦哦哦......，阿崽你快高长大罗帮手阿爷去看牛羊，哦哦哦......，月光光，照地堂，虾崽你乖乖睡落床，听朝阿妈要捕鱼虾罗！阿嫲织网要织到天光，哦哦哦......，虾崽你快高长大罗 “橙”艇“杀”网就更在行，哦哦哦......
萝卜头：萝卜头，点豉油，点得多，咸过头，点得少，淡谋谋。佢以为，好正斗，点不知，俾人踢罗柚，一踢踢到西门口。
老广东
月光光： 月光光，照地堂，年卅晚，摘槟榔，槟榔香，摘子姜，子姜辣，买（胡辣、菩达、萝卜），（胡辣、菩达、萝卜）苦，买猪肚， 猪肚肥，买牛皮，牛皮薄，买菱角，菱角尖，买马鞭，马鞭长，起屋樑，屋樑高，买张刀，刀切菜，买箩蓋，箩蓋圆，买只船，船无底，浸死两个番鬼仔，一个蒲頭，一个沉底，一个摸慈菇，一个摸马蹄。
咬蔗须： 咬蔗须，要睇毛，短毛输，长毛赢，无毛吾算数。
斗柑： “篾”开柑，数柑核，边个核多就边个赢，吾准手赖就甘缩骨。
拍大骳： 拍大骳，唱山歌，人人话我无老婆，嘀起心肝娶返个，有钱娶个娇娇女，无钱娶个豆皮婆，豆皮婆，食饭食得多，屙屎屙两箩，屙尿冲大海，屙屁 打铜锣。
猜呈沉： 呈沉剪，呈沉包，呈沉糯米叉烧包。老鼠吾食香口胶，要食豆沙包。
伏垒垒： 一就预备，二就垒埋，三就开盘，四就嚟到，彭到算数。
捉大贼： 点指兵兵，点指贼贼，点着谁人做大兵，点着谁人做大贼。
估手指： 估手指，要估中，边个吾中，就唔中用，裤浪底见个窿。
点虫虫： 点虫虫，虫虫飞，飞到荔枝基，荔枝熟，摘满屋，屋满红，陪住个细蚊公。
骑牛牛： 骑牛牛，牛牛走，牛牛响前咪回头，若然回头就打箩柚。
打波子： 大眼鸡，咸鱼头，你屙尿，吾洗手。
咕碌咕碌： 咕碌咕碌一，咕碌咕碌二，咕碌咕碌三，准备开炮打敌人！
跳橡筋： 董存瑞，十八岁，为国牺牲炸堡垒，炸到堡垒咯咯脆，全国人民流眼泪。
碌铜仙： 碌铜仙，打铜钱，全凭眼界手出变，叮响铜钱俾个仙。
打泥炮： 打泥炮，泥炮响，唔使揸枪上战场。
飞麻鹰： 折纸机，麻鹰飞，飞来飞去唔落地，麻鹰有条尾。
踩脚趾： 咚啄，酸姜，你阿嬷，缠脚娘。 趿跛跛： 趿跛跛，跳跳脚，咚咚咚，上跳下跳似麻雀。
撞跛脚： 趿跛跛，跛佐蹄，无米煮，煮泥沙，无屋住，住楼梯，楼梯有只鬼，吓到你钻落床下底。
顶手掌： 伸长手，顶手掌，死人都要顶硬上，依牙崩哨就猫甘样。
劈友： 劈友，劈友，快嘀走，走得快，好世界，走得磨，冇鼻哥。
斗远： 斗远掟石头，因住咪甩手，石头最无眼，掟亲吾好眼泪流。
掟砖头： 掟砖头，斗大够，一掟掟到西门口，溅起浪花抛浪头。
捞鱼仔： 花手巾，真引人，基边捞鱼好过瘾，一兜一条好手运，千其吾好牟（蹲）到你头晕。
黐塘尾（蜻蜓） 黐塘尾，塘尾飞，飞到菜田基，田基有条蛇，吓亲你两仔爷。
老广东
煮饭仔： 煮饭仔仔先落米，风炉透火柴对齐，千其唔好咁拿西，我哋系细蚊仔。
打马仔： 一人骑角马，两人骑猪乸，三步要埋头，撞到面就打。
斗辣椒： 红辣椒，绿辣椒，平时你镲嘴藐藐，今*你日**无胆同我撩。
放臭屁： 鬼叫你甘贪心，闻佐我个屁，索入佐个鼻，我要你赔返二两四。
味水底： 味水底，摸泥沙，摸到泥沙当金龟，摸吾到系契弟。
钻台底： 陈德贵，住得矮，床下底有只鬼，吓到佢钻台底。
扯大缆： 一二三，三二一，肥婆跳舞顶第一！
“雪”滑梯： 细蚊仔，雪滑梯，因住跌落嚟，咪学陈德贵，成日流鼻涕， 跌亲个箩柚唔好睇。
过天梯： 过天梯，虾矮仔，人在云东过到西，唔怕米贵就最怕矮。
做大戏： 黑面李逵，红面关公，三国水浒乱晒龙，打败清兵系英雄。
弹象棋： 打棋子，靠眼屎，全凭眼界靠本事，唔好睇错认够屎。
画乌龟： 乞儿仔，画乌龟，一人一笔咪乱嚟，最后果个人衰仔！
人之初，狗虱多，狗虱唔咬我，专咬先生两公婆。
肥佬肥腾腾，买旧猪肉去拜神，行到半路屎弗痕，返到屋企没晒人，打开个痰盥有敌人，肥佬只好做难民！
肥藤藤，脚震震，买旧猪肉去拜神、行到半路PagPag痕，去到神庙四围藤，返到屋企口痕痕，食完猪肉变瘟神。
肥佬肥藤藤，买旧猪肉去拜神，行到半路屎忽痕，翻到屋企冇晒人，打开痰罐有敌人！
四眼哨牙突下巴，屎忽嬲嬲下，哨牙可以刨西瓜，落雨可以遮下巴，飲茶可以隔茶渣，劈友可以擋番下。
排排坐，吃果果，猫衣担凳比姑婆坐，坐烂个屎忽，唔好赖我，赖番隔离个二叔婆